ГӀалгӀайчен бахархошта дикадар кхайкадаьд: цхьайолча юрташка дӀахьоргъя юртбоахама ярмаркаш. Цу гӀулакхах бехктокхаме йолча министерствоша, доал деча даькъ тӀарча администрацеша из хоам дӀакхайкабергба тов бетта ерача дийнахьа, иштта шоатта дийнахьа МагӀалбика, Наьсарен, Шолжа, ЖӀайрахьа кхалешка, уж ярмаркаш дӀаяхьа лерхӀаш хиларах, яхаш, дийцар «Сердало» газетага.

«Цига ваха саг цецваргва, сел дукха тайп-тайпара юртбоахама продукци цига эца таро хиларах. Ахархоша шоаш хьалкхеяь, иштта шоай доалахьарча боахамера чуийца юртбоахама продукци я цига йохкаргьяр. ГӀалгӀайчен ярмарке эца йиш я цӀагӀа дуарг мел дар», — йоах из болх вӀашагӀбеллараша. Хоам бу, ерача дийнахьа ярмаркаш хургья Сурхо тӀа, ГӀажарий-Юрта (Первомайски урамагӀа, культуран ЦӀенна духьала), СоагӀапча (культуран ЦӀенна духьала), ЖӀайрахьа (юрта хьалчувоаллача). Иштта ярмаркаш дӀаяхьа лерхӀ тов бетта ийслагӀча дийнахьа Эккажкъонгий-Юртарча юртбоахама базар тӀа, «Беркат» яхача базар тӀа Заьзгакъонгий-Юрта, Илдарха-ГӀалий тӀарча Осканаькъан урам тӀа. Мах бе болалургба Ӏуйрийна ийс сахьат даьлча. Ярмаркаш латтаргья делкъийна 12 сахьат даллалца.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде