ГӀалгӀай къаман
юкъара газет

Кердадараш

Наркотикаш йоаца вахар могаду вайцига

ГӀалгӀай Республикан кагирхой гӀулакхех йолча комитета болхлоша наркотикех лаьца кхетаче дӀайихьар Илдарха-ГӀалан лорий-технологически колледжа студенташца, яхаш, дийцар «Сердало» газетага из кхетаче вӀашагӀъеллараша.

«Цу тайпара кхетаченаш каст-каста ю республикан кагирхой керттерча моттиго. ГӀалгӀайчен кагирхой гӀулакхех йолча комитета викалаша яхачох, цар болх дукхагӀча даькъе тӀаберзабаь ба, кхувш боагӀарашта во хӀама къахьдара, хӀана аьлча уж каст-каста наркотикашца дувзаденнача гӀулакха юкъебахара аттагӀа Ӏехалуш ба. Кхетаче дӀахьош хиннараша белгалдир, цкъа цу наркотикех кхийтта саг тӀехьагӀа цу юкъера аравоалаш цахилар, цул совгӀа, цох дог кхоардаду нийсархоша, ше хьалха леладаь вахар дӀадахьа унахцӀено тоъаш хилац из»,-аьлар ГӀалгӀай Республикан кагирхой гӀулакхех йолча комитете. Дукха хӀама да укх дунен тӀа Ӏехавала йиш йолаш, хала хете а, берригаш кагирхой бац цох къахкаш, совца низ дӀакхоачаш, из цар харцахьа ловза ког ба», - аьлар хьехам беш волча Ведажанаькъан Ислама.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде