«Кхоачарбараш-Хьамсарбараш» яха дезала кхетаче дӀайихьар вай мехка
«Кхоачарбараш-Хьамсарбараш» яха дезалашта юкъера болам дӀабихьар Наьсаре.Тайп-тайпарча ханашка кхаьча дукха дезалаш гулбеннабар цхьан доазон тӀа. Из хоам «Сердалога» бир «Хьалхарчар болам» яхача оагӀоно.
«Кхетама хьал гойташ дола тайп-тайпара ловзараш дӀакхухьаш, аквагримаца болх хьахьокхаш, иштта кхыдола кхолламца дувзаденна гӀулакхаш довзийташ хилар тоабаш. Да, йоӀ, даь-нана, виӀий-воӀ цхьан оагӀорахьа боалаш; хоза, сакъердаме дӀадахар вӀашагӀкхетар. Цул совгӀа, шоай кхоачарбараш дикагӀа бовза аьттув хилар гулбеннарий», - дийцар тхога «Хьалхарчар болам» яхача оагӀон доакъашхо волча Налганаькъан Рамзана.
Йоккха терко тӀаяхийтар цига берий кхерамзленца, дега хьалаца, дезала юкъерча гӀулакхашца, бераш нийса кхетам луш кхедарца дувзаденнарашта. Кхувш латтача берий дегай хьал паргӀата хургдолаш, эггара чӀоагӀагӀа дезале лораде дезараш малагӀа гӀулакхаш да белгалдир болама хьалхалаттараша.
