Магас кхеллача денна хетаяь яхь дӀайихьар республике
16.04.2024 11:24
Магас кхеллача ден хетаяь жӀакех йола яхь дӀайихьар, «Кванториум» яхача технопарке. Цунна кулгал деш вола Янданаькъан Салман вар из гӀулакх дагадехар. Из хоам «Сердалога» бир цу моттигерча зарбан болх лелабераша.
«Ийс даькъах латташ бар къовсам. Берригача спортсмений шоай кхетама боарам дӀагойта аьттув хилар. Хьалхарча лагӀа тӀа ваьлар Котанаькъан Ислам. ШоллагӀа моттиг Марзбиканаькъан ИсмаӀалга кхаьчар. КхоалагӀа моттиг йийкъар Янданаькъан Мухьмадаи Доврбиканаькъан Ӏайшайнеи юкъе», - дийцар Янданаькъан Салмана.
Берий технопарка болхлоша даькъалаювц Магас; иразе, беркате, маьрша латта! ХӀара денна тоалуш, бахархой дегаш гӀадкхувлаш, латтийла вай хьамсара Магас!
