Ленинграде моастагӀа вохавеш лаьттарий деналах дийцар Мехкадас
Ленинграда баь хинна го бохабар дездеш ба беррига мохк. Цу денца дувзадаь мехкахошка къамаьл дир вай мехкадас Келаматанаькъан Махьмуд-Ӏалас. Республикан кулгалхочо белгалдир, 1944-ча шера Ӏан шоллагӀча бетта 14-ча дийнахьа Советски эскаро Ленинградски-Новгородски никъ хьалаьца; Новгород, Пушкин, Красногвардейск яха шахьараш мукъаяьха хиларах. Иштта Москва, Ленинград хотташ бола цӀермашинникъ мукъабаьккхар цар. 27-ча дийнахьа бохабир баь хинна го.
«ЧӀоагӀа халонаш лайра цу шахьарерча бахархоша. Доккха Ӏазап дар наха тӀалаьттар», - аьлар Мехкадас.
Цо хьоахадир шахьар мукъайоаккхача дакъа лоацаш вай мехкахой хиннилга. «Баь хинна го ловш, хала денош текхача наха тӀалаьттар вайна дицлургдац. ЦӀаккха а дегашкара дӀайовргьяц цу наьха цӀераш», - аьлар вай Мехкадас.
