ГӀалгӀай мехка «Сакъердаме песка» яха теннисах йола яхьаш хилар
20.11.2024 09:51
ГӀалгӀай мехка дӀайихьар «Сакъердаме песка» яха истола тӀа теннисах ловзара яхьаш. Цига дакъа лоацаш бар Илдарха-ГӀалий тӀара дешархой, яхаш, дийцар «Сердало» газетага из болх вӀашагӀбеллараша.
«40 совгӀа 5-11 классашкарча дешархоша гойтар шоашта цу даькъ тӀа карагӀдоалар. Белгалду, доакъашхошта юкъе профессиональни спортсменаш бацар, из бахьан долаш дукхагӀа безам тӀабодаш яр уж яхьаш. Цига дикагӀа лайзарех хилар Илдарха-ГӀалан №5 йолча ишкола дешархой. Котваьннарех лаьрхӀар 10-ча класса дешархо Товтанаькъан Абукар. ШоллагӀа моттиг яьккхар Тоачанаькъан Илеза. КхоалагӀа моттиг бархӀлагӀча классе вагӀача Марзбиканаькъан Ислама», - аьлар газетага хоам баьча ишколан викалаша.
