Нах дӀаязбеш, цар ахча дӀаийдеш хиннача ишкола кулгалхочун гӀулакх МВД тохкаш да
28.12.2023 10:34
Ӏаьдала зе деш, вӀалла балха боаца нах дӀаязбаь, царна хьахьожадеш хинна ахча шийна дӀаийдеш, харцахьара никъ лелабеш хиннача Шолжа-Шахьарерча ишкола кулгалхочун гӀулакх МВД болхлоша тохкаш латт.
Из хоам «Сердало» газетага бир МВД викалаша. 15 сага доагӀа ахча да цу сага шийна дӀаийдаьр. «ДӀабихьача тохкама балхо гучадаьккхар, 2019-ча шергара 2022-ча шерга кхаччалца, ше кулгал деча ишколе боацаш бола нах -15 саг дӀаязваь, царна доагӀа ахча шийна дуташ ишкола кулгалхо ваьгӀалга», - йоах тхогарча хоамо.
ДӀалаьрхӀача, 870 эзар сом совгӀа ахча да цо Ӏаьдалгара дӀаийдаьр.
