ГӀалгӀай къаман
юкъара газет

80 ПОБЕДА!

Коталон 80 шу дизара хетаяь, «Дагалоаттама лента» яха кинокхетаче хургья вай мехка

Коталон 80 шу дизара хетаяь, «Дагалоаттама лента» яха кинокхетаче хургья вай мехка

Вай мехкарча театра, кинон, цу оагӀонца даьржарех йолча моттиго, Россе кинематографистий Союзо хьаллоацаш, эггара хьалхара «Дагалоаттама лента» яха, Коталон 80 шу дизара хетаяь кинокхетаче дӀахьоргья мехка. Из хоам «Сердалога» бир ЦТКиКИ зарбан болх лелабераша.

«Тайп-тайпарча къаман нах шоайла вӀашкаозаш йола кхетаче хургья цох. Цун керттера декхар - Украинерча тӀема операце бӀухой хьаллацар, къаман турпалий цӀераш дийнъяр, тӀема исторех цхьаккха хӀама диццадалийтар», - яхаш, хоам бир тха газетага.

Укх бетта 21-ча денгара 24-ча денга кхаччалца советски, российски актёраша гойтама болх дӀахьоргба, иллиалархоша тӀема деноех дувцаш йола байташ, иллеш дӀааргда, иштта кино хьокха а лерхӀ цига.

«Кинокхетачено «Дагалоаттама лентаца» дӀадаьннар дагалоацийташ, таханарча деноех дувцаш болх хургба цох. Теша лов, цу кхетачено вай кинематографистий дегаш ураоттадергда, Даьхе лораеш лаьттарашта хетадаь керда балхаш кхолла», - дийцар тха газетага ЦТКиКИ кулгал деча Дзортанаькъан Мадинас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх