«Хьехархо - даим хургбола болх» яха яхь дӀайихьар
02.12.2023 22:38
Хьехархочун, хьехамчан шу долаш, республикански яхь дӀайихьар вайцига, «Хьехархо-даим хургбола болх» яха цӀи а йолаш. Из эггара дикагӀа йола хьехархочун професси тӀехьа тӀайоагӀача тӀехьенна, дешархошта езаялийта дагахьа еш яр. Яхье дакъа лоацаш хилар республикан юкъарча дешара ишколай дешархой. Сочинене темаш тайп-тайпара яр: хьехархочун говзалах, хӀанзарча хана наха юкъедахьача даькъах.
Яхье хьакхаьчар 55 болх, уж яздаьраш бар республикан юкъарча ишколай 4-11 классай дешархой. Тайп-тайпара ханаш яьннача котбаьннарашта юкъе хилар 4 класса дешархо Коазой Ӏаддал-Малик, ТӀой-Юртарча №4 йолча ишкола 6-ча класса дешархо Коазой Лейла, «Олимп» яхача дика кхеташ долча берий лицее-центре дешаш вола 7 классе вагӀа Султиганаькъан Ӏумар, Ӏаьлий-Юртарча ишколе 9 класса дешархо Сукенаькъан Хьава, Наьсарен №1 йолча ишкола 11 классе ягӀа Вешкаранаькъан Раяна», - аьлар «Сердало» газетага ГӀалгӀайчен дешара, Ӏилман министерстве.
Из болх вӀашагӀбеллараша яхачох, цу тайпара кхетаченаш дӀаяхьаро, дешархой безам тӀаоз цу лоархӀамеча профессе. Къаьстта хьехархочох тийша да, цар хьехаш дола Ӏилма дика ховш хилар, гонахьарча дуненцара уйла.
