ӏан кӏалха додаш долча ялата хьалага хьожаш ба мехка
Мехкарча «Россельхозцентр» ФГБУ филиала болхлой, ӏан кӏалха додаш долча ялата хьал боаггӏача боараме дий хьожаш, боккха болх дӏахьош ба.
«Карарча хана болх дӏахьош латт Шолжа, Наьсарен, Магӏалбика кхалешка. ӏан кӏалха додаш дола ялат дӏадувш дола кхаш цигахьа дада. Къаьстта терко еш хьожаш ба дӏабе беза мукх дика бий, хӏана аьлча дерригача ялата юкъе керттера моттиг дӏалоацаш дола беркат да из.
«Даби-Юрт» СПК 150 гектар я дӏалаца лерхӏар, ООО «Осканова» шозза доккхагӏа дола доазув дӏалаца лерхӏ – 475 гектар, иштта ООО «Содружество» (175 га), ООО «Магас» (40 га), ОПХ «Гӏажарий-Юрт» (60 га), - дийцар тха газетага Наьсарерча администраце. Иштта кӏа дӏадувш долча гӏулакхага хьожаш ба тахан. ООО «Осканова» 342 гектара тӏа, «Албаканаькъан», «Лорсанаькъан», «Оздой» 240 гектарага кхоачача ахархой-фермерски боахамашка цу ялата хьал мишта латт техкар болхлоша.
Из гӏулакх чакхдаьлча ахархошта цу лаьттай паспорташ дӏалу, иштта ялат дика хьувкъаргдолаш де дезараш белгалду. Цу оагӏонцарча болхлоша белгалдечох, иштта кхашка дӏакхухьаш йолча экспертизо ӏан кӏалха додача ялатацара лазараш ханнахьа гучадоах.
