Гӏалгӏай мехка, хьун фу миштад хьожаш, болх дӏахьу
Гӏалгӏайче лаьрххӏа бола болх дӏахьу хьун культурай дикал а дукхал а йовзаш, цар мах оттабеш. Уж я 2025 шера хьу меттаоттаяра хьакхелла хьун культураш, яхаш, дийцар «Сердало» газетага ӏалама тароний, экологе Минисетрствос.
Из болх дӏахьош ба «Рослесозащита» ФБУ филиала говзанчаш, 2026 шера планах-графиках доагӏаш ма хиллара. Карарча шера аьтинга бетта хьун ганзо лаьтта тохкш балхаш дӏадихьар. 9 га йолча даькъ тӏа из болх бир айеннача моттигерча Шолжа дукъ тӏа. Шолжа хьун боахаме, Галашка №1 йолча хьуна даькъ тӏа из болх дӏабихьаб говзанчаша. Дӏадахача шера тохкамаш деча даькъ тӏа дака хьун гаьнаш дIайийра. Уж лаьтташ хьу меттаоттаяра леладеш да.
Беррига болх чакхбаьнначул тӏехьагӏа, хьун культураш малагӏча хьале я тохкаш, из болх дӏахьоргба цӏаькха а.
Тхога хоам баьчо яхачох, карарча шера кхашкара балхаш дӏадахьара хаоттам башха дика хиннабац. Дукха догӏаш латтарах халонаш нийслу.
