ГӀалгӀай мехка наркоманеца къовсам лоаттабе Ӏомаву
Кагирхой политикан, туризма Министерствос, ца хадаш, вахара-воча хьала духьалъотта Ӏомавеш бола болх дӀахьу. Укх наькъа хьинар дараша наркотикашца къовсам лелабара болам дӀабихьар Наьсарерча «Арбат» оалача парка даькъ тӀа, яхаш, дийцар «Сердало» газетага цигарча болхлочо Озанаькъан Салмана.
ЛаьрххӀа болча хоамо яхачох, наркотикашца бувзабенна нах дукхагӀча даькъе кагирхой ба. Юххьанца уж хьож наркотикаш миштай. Цигара дӀадолалу, юхатоха ца могаш, саг харцахьвалар. Мехко, шийна могача беса, кагирхошта из унзара лазар хьалхадоаккхаш бола болх дӀахьу, дешархошта а иштта царел боккхагӀа болча наха а юкъе.
Из болх лелабераша дӀадекъаш долча каьхаташ тӀа наркотикаш йоацаш цамегаш хилара бахьан малагӀа да дӀагойт, кхы а лерттӀа чӀоагӀдаланза долча сага дегӀа, моллагӀча молхаша малагӀа зе ду хьалхадоаккх», - аьлар тхоца къамаьл даьчо.
