«Дагалаца иккаш ювхаю къонал» яха болам ба вай мехка дӀахьош
01.12.2023 10:08
ТӀемхочун гӀулакх дикагӀа довзийта дагахьа, «Дагалаца иккаш ювхаю къонал» яха болам дӀабихьар вай мехка кагирхой гӀулакхех йолча министерствон кулгалхоша. Цу тайпара хоам «Сердало» газетага бир, из гӀулакх вӀашагӀделлараша.
«Цу боламо дуккхача кагирхошта довзийтаргда тӀема профессеца дувзаденнараш, иштта довзаргда эскарера вахар, цу лостамагӀа лораде дезараш», - дийцар тхога кагирхой гӀулакхех йолча комитете.
ХӀетта кхийнарашта цар дувц, тӀема гӀулакхо вахаре хулийташ болча аьттонах, лелабеча балха тӀа лакхвала таро хилийтарах.
