«Кхетаче дӀахьош хилара керттера бахьан дар, Къилбаседа Кавказа кагирхой коррупцена духьала хилар, цу тайпарча зуламца къовсам лоаттабара уж тӀехьа хилар. Ше къамаьл деш, Хьаьшанаькъан Азас белгалдир, коррупци - из во да, массайолча хана къовсам лоаттабе беза цунца. Таханарча денна коррупцеца къовсам лоаттабара долча законо таро лу вайна, хьалхашка оттадаь декхараш кхоачашде, цу даькъ тӀа бокъонаш лора а еш», - аьлар «Сердало» газетага моттигерча Парламента зарбан болх лелабераша. Коррупцена духьаларча гуллама доакъашхошца кхетаче хилар ГӀалгӀайчен Паччахьалкхен вице-премьера Фурсов Олега, СКФО даькъ тӀарча Россе Президента викал яьча Стогова Натальяй, ГӀалгӀайчен Кулгалхочун администраце, паччахьалкхен викалий, иштта Ставропольски края губернатора коррупцега бокъонаш телха ца яйтара, цу гIулакха тохкамхой цхьанкхетара урхаллен. Форуме дийца дешаш дар, Къилбаседа Кавказе коррупцена духьала къовсам лелабара хӀанзарча хано дӀадехарашца дувзаденна. Цу даькъ тӀа дукхагӀа накъаяргйолча кагирхой тоабанна совгӀаташ дала лаьрхӀад.