Берий хьехамчий Ерригача Россе кхетаче дӏайихьар вай мехка
«Россе хьехамчаш: берий начӏал а хьаькъал а дегӏакхувлача хана, дезале а берий беша а моцагӏа денз хьадоагӏараш лорадар» яха Ерригача Россе кхетаче хилар вай республике. Из хоам «Сердалога» кхаьчар мехкарча Паччахьалкхенгара.
Мехка 20 моттигера 300 совгӏа доакъашхо вар вай мехка кхаьчараш. Шоай балхацарча кердадарех дувцаргда цар, иштта пайдане хургдараш дӏа-хьа эцаргда. Берий бешамашка ха йоаккхаш долча берашцарча балхаца эггара керттердараш, лораде дезараш малагӏаш да, иштта ишколе даха бераш кийчдеш болча балхацарча керттердарех дувцаргда кхетачен доакъашхоша.
Лоархӏаме хьаьша волаш ккхетаче хьаеллача вена хиннача мехкарча Паччахьалкхен хьалха латтача Сластенин Владимира Мехкадаьгара къамаьл дир цига», - йоах хоамо.
Берий беша доазон тӏа дӏахьоча кхетачене белгалдергда ишколе даханза долча берий гӏулакх боаггӏача боараме тоадара тӏехьа эггара хьалхарча оагӏонца теркалде дезараш малагӏаш да; хӏана аьлча дезалаша, берий бешамаша вӏаший бувзам болаш дӏабахьа беза лоархӏаме болх ба из тахан.
