«Тӏаргим – 2026» яха Ерригача Россе кагирхой кхетаче я, вай мехка дӏахьош
«Тӏаргим-2026» яха Ерригача Россе кагирхой кхетаче хьаеллаш, лоархӏаме кхетаче хилар хозача ӏаламо тоаь латтача Жӏайрахьа кхале. Боккхача мехкара керда наькъаш хьаделлаш, беркате хувцамаш деш, къахьега кийча бола кагирхой гулбир цу гӏулакхо. «Кхетачен болх дӏаболалуш, доакъашхой даькъалабувцаш къамаьл дир Мехкадаь, Паччахьалкхен Администрацена хьалха латтача Мархенаькъан Анзора, Жӏайрахьа кхаленна кулгал деча Лаьнанаькъан Ахьмада, кагирхой гӏулакхех йолча Комитета хьалха латтача Пхьошанаькъан Зоврбика. Лоархӏамеча кхетаче боаггӏача боараме къахьегара, пайдане хургдараш ӏомадара, хьаллацара, керда проекташ йоаржаяра тӏахьийхар цар мехка тайп-тайпарча миӏингашкара гулбенна къонабараш», - йоах «Сердалога» Паччахьалкхено беча хоамо.
«Тӏаргим» укх массехк шера вахаре лоархӏаме, пайдане хургйолча проектий, кердача гӏулакхий никъ болалу моттиг йолаш хьайоагӏа. Боккхача мехкара гӏулакхаш тоадара тӏехьа дикка накъайоалаш проекташ я укхаза йоаржаераш. Дешара программа, тренингаш, пайданедараш дӏа-хьа эцар, шоаш вӏашагӏделлар довзийтар да доакъашхошка дӏахо хьежаш.
