«ГӀалгӀайчен лорий-лоӀамхой тароний центро дӀахьош хиннача цӀий дӀадалара боламе дакъа лоацаш хилар ГӀалгӀай Республикан юртбоахама министерствон викалаш. Цкъа хьалхагӀа лораша, лорий йижараша шоай цӀий миштад хьожаш йола анализаш дӀачуелар, наха тоха из мегаш дий хьожаш. Иштта цига дакъа лоацаш бар ГӀалгӀай Республикан ахчан министерствон болхлой. Из болх дӀахьош, наьха таро хилар цӀий е тӀехка чура тӀум дӀачуяла», - аьлар кепайоазоно. «Iаьдала болхлоша донорий цӀий дӀачулуш дакъа лацар чӀоагӀа лоархӀаме да, наьха могашал тоаяра. Сага ший цӀий дӀадаларах, бӀаьш нах лазарах кӀалхарбаха йиш я. Мехка боахамаша укх гIулакха юкъе дакъа лацарца масал гойтаргда кхыча организацешта, бахархошта, из дика гӀулакх хьаллацара цар безам тӀабохийташ», -аьлар ГӀалгӀай Республикан РЦД кулгалхочо Галай Назира. Белгалдоаккх, хьалхагӀа «Сердало» газето яздаьдар; «ЦӀий дӀалучун марафоне» бокъонаш лораяра болхлоша дакъа лаьца хиларах.