Гидашца болх дӏахьош, цар говзал лакхъяра тӏехьа къахьегаш ба мехка
2026-ча шерарча бекарга бетта 20-ча дийнахьа денз, мехкарча гидашца цар балхацара говзал лакхъяра тӏехьа болх дӏаболабеш ба мехка. Из хоам «Сердалога» бир ӏалама гӏулакхех йолча министерствос.
Ӏалама гӏулакхех йолча Президентски ганзо хьаллоацача «Кхаь оагӏон гӏулакх леладар - ООПТ-ӏилма-Лоӏамхой» яхача грантага гӏолла дӏахьош ба из болх. Гидаш ӏомабеча программан юкъе да туризмаца дувзаденнараш, мехкара ӏалам, историко-культуран моттигаш йовзийтар, экологеца, ӏалама моттигашца дувзаденнараш, иштта моллагӏа дагадоаца хӏама хиннача гидашта хьалхара гӏо де хар. Царна шоай болх боаггӏача боараме бовзаш хилар чӏоагӏа лоархӏаме да туризма оагӏонца.
Кагирхой гӏулакхех йолча Комитете Магасе дӏахьош я гидаш ӏомабеш йола кхетаче. Эггара керттера цар гӏонча я ӏалама гӏулакхех йола министерство.
