«ДоттагӀала сердал. Кавказа гӀалаш-2024» яха проект я вай мехка дӀахьош
18.10.2024 10:26
«ДоттагӀала сердал. Кавказа гӀалаш-2024» яха федеральни проект я, вай республике дӀахьош. Проекта доакъашхошца Магасе кхетаче дӀайихьар кагирхой политикахи туризмахи йолча Министерствон болхлоша. Из хоам «Сердалога» бир цу моттига зарбан болх лелабераша.
«ВӀашагӀкхетаре кагирхоша дийцар, вай республикера туризм йоаржаеш йолча экологеца, экскурсеца ювзаенна кхетаченаш дӀакхахьарах. ХӀаране шийна дика хургда аьнна хетар белгалдеш, массанега цхьатарра ладувгӀаш, дӀайихьар кхетаче», - йоах тхога кхаьчача хоамо. Проекта болх дӀабахьарга хьожаш ва мехкара хьал тоадарах болча министерствон оагӀон хьалха латта Хьулахой Ахьмад.
