Мехка тоадергда, ветераний фусама хьалхара цӀа
ГӀалгӀайче дӀаболабир ветераний ЦӀа тоадара болх. Из хьадаьдар 1992 шера. Цу гӀулакха Россе Паччахьалкхено хьахьожадир 260 млн сом. ГӀишлон балхаш дӀадоладаьд маьтсела бетта юххье, яхаш, дийцар ГӀалгӀай Республикан Кулгалхочун, Паччахьалкхен зарбан болх лелабераша.
Цу проекта чуйоагӀаш я къаьнара, шозза вӀаштӀара яь гӀишло. Из овлангара йохаяь дӀайоаккхаргья, цул тӀехьагӀа из лаьттача моттиге хьалъергья таханарча заман гӀишло, цига таро хургья тӀема бӀухошта, СВО доакъашхошта, тыла къахьегамхошта дикал йола психологически лорий дарбаш де.
«Укх дукхача шерашка латташ, из гӀишло пайдана йоацача яьннаяр. Цкъа цига нийсвенна волаш, аз лаьрхӀар, из тоае езарал совгӀа, цига дарба деш хургболча наха лаьрхӀа йола моттигаш а дукхагӀа хила еза – 30-40 моттигага кхаччалца», - аьлар ГӀалгӀай Республикан Кулгалхочо Келаматанаькъан Махьмуд-Ӏаьлас.
Белгалду, керда гӀишло ер шу чакхдоалаш болх бара юкъеяргья.
