Театра, кинон, таханарча заман хьалий Центр тоаеш латт
ГӀалгӀайче дӀахьош да театра, кинон, таханарча заман хьалий Центр тоаяра балхаш. Карарча хана, болх йистебала боалл, яхаш, дийцар «Сердало» газетага ГӀалгӀайчен культуран Министерствос.
«Культуран хьал» яха республикански проект кхоачашъеш я федеральни рузкъах. Заказчика лаьрхӀачох, гӀишло дӀачувоаллачара тоаергья, иштта цу юкъе йоагӀаш я ток, йӀовхал, сердал. Цул совгӀа, тоае лерхӀ бӀеха хиш дӀаухаш йола моттиг, цига таханарча дено дӀадеххача тайпара йола чоалх латтаргья», - аьлар хоамо.
Дикка хувцамаш дӀахьош да оаз дӀаязъеча студе. Нах гуллуча зале а иштта хувцамаш юкъедаха лаьрхӀад, хьажархошта лаьрхӀа моттигаш кийчъяьй, цӀи ялара кхерамзлен Ӏалашо яьй.
Проекта чудоагӀачох, деррига уйнаш, кораш, чура чувоалаш йола наӀараш хувцаргья, хӀама зувш йола камераш оттаергья.
