«Бейни-2024» яхача чаьтарий лагерера доакъашхой Маьтлоам тӀа боалаш ба
12.08.2024 12:30
Таханара Ӏуйре, дегӀа пайда беш, дӀайихьар «Бейни-2024» яхача чаьтарий лагерерча доакъашхоша. ДегӀ мукъадоаккхаш йолча кхетаче, Маьтлоам тӀа бовла кийчлуш бар уж. 3003 метр никъ ба цар бе безар. «Сердалога» из хоам бир кагирхой политикахи туризмахи йолча министерствон болхло волча Хьулахой Ахьмада.
«БӀаьха никъ беш, гӀалгӀаша массахана лакха лоархӀаш хиннача гув тӀа бала безаш ба хьалхарча тоабан доакъашхой. Царна уллув хургба министерствон болхлой санна, ЦӀеча бетта доакъашхой, гидаш, иштта кхыбараш. Лакхе тӀабаьнначарна гургья ше ма ярра Буро, ЖӀайрахьа моттигаш», - йоах тхога кхаьчача хоамо.
