Цигарча лекцега ладувгӀаш хилар «Эздел» яхача команда доакъашхой, цар хьехамча ва Латаранаькъан Ӏумар. Дукхача шерашка болх беш хьавоагӀача туроператора хьалхадаьккхар де дезар, туристически наькъ тӀа хьалхарча аргӀагӀа ха дезаш дар. Цунна чуйоагӀаш яр моттигерча бахархой культура, шоай доалахьара ахчан кхоачам, дӀадодаш дар дагарде ховш хилар, отелаш, иштта кхы дуккхадар.

Теркама юкъе хиннараш дар хьалаш, хӀана аьлча дукхагӀча даькъе царга хьежжа хул дӀалуш бола мах»,- йоах хоамо.

ШоллагӀча даькъе, кхетаче дӀахьош хинначо дийцар укх тӀехьарча диъ шера туристаш дукхагӀа хулаш латтарах.

«Со, каст-каста хул ерригроссийски а халкъашта юкъерча а кхетаченашка, цудухьа хов сона моттигаш дегӀаахара боарам. Тахан ала йиш йолаш да, ГӀалгӀайчено дика кийчо яьй туризмага, дӀахойодача хана из дикагӀа дегӀайоагӀаш хургья», - аьлар Китенаькъан Хьавас.