СВО веннача бӏухочун даьшта новкъостал ду, шоай виӏий-воӏаца къамаьл де
Гӏалгӏайчен Магӏалбика кхален «Даьхен лорабой» паччахьалкхен ганза говзанчаш болча, новкъостал деха баьхкар СВО веннача бӏухочун да-нана. Царна хьалхашка хала вахарера хьал эттар. Цар яхачох, бӏухочун фусам-нана ший бераца лоалахарча республике яха дӏаяхай. Цул тӏехьагӏа цар берацара бувзам хаьдаб. Керттера дехар дар даь-да, даь-нана шоай виӏий бер го а, цунца бувзам болаш хила а бокъо йолаш хилар.
«Кхайкарал тохкаш дакъа лоацаш хилар ганза вахара оагӏонца бувзабенна болх лелабу Мержой Ибрахӏим, Мержой Идрис, иштта Магӏалбика кхален къувш боагӏарашта доал дара, уж хьаллацара даькъа кулгалхо Маларой Залина; кхувш боагӏарий гӏулакха, цар бокъонаш лораяра йолча комиссе бехктокхаме секретарь Боканаькъан Хьава. Говзанчаша дика ладийгӏар царга, РФ законо дезалера бокъонаш лораяра дӏадехараш белгалдир, иштта шоай виӏий бер бӏаргагора йола бокъонаш йовзийтар. Керттера терко тӏаяхийтар дезалера бувзамаш чӏоагӏдара бера хетар а юкъедаккха дезара»,- аьлар «Сердало» газетага «Даьхен лорабой» ганзе.
Из хьал бокъолгахьа даккхара Магӏалбика кхален администраце лаьрххӏа дола хаттар кийчдергда, из дӏадохьийтаргда кхыча республикан берий бокъонех йолча викалга. Цу тайпара цу гӏулакха юкъебаргба лаьрххӏа бола говзанчаш, цар шоай бокъонаш хиларга хьежжа, из дош тохкаргда.
Юридически оагӏонга диллача, российски законо бокъо лу даь-да, даь-нана, кхыбола бера гаргара нах бувзам болаш хилара. Нагахьа санна, кӏалха кӏийле йоацаш, цу гӏулакха духьале еш хуле, цар бокъо я шоай гӏулакх судага гӏолла къоастаде.
СВО даькъ тӏа бейнача бӏухой гаргарча наха хьалхашка нийслуш дола цу тайпара хаттараш кхоачашдеча терко лоаттаю Магӏалбика кхален администраце кулгалхоша, иштта «Даьхен лорабой» ганза оагӏорахьара. Из доацаш а, боккха бала болаш боахкача бӏухочун даьшта хьалхашка из хаттар нийслуш хилар массайолча оагӏорахьара терко е езаш да.
Укх наькъа из хаттар ший тӏахьожам болаш хургда аьлар Магӏалбика кхален кулгалхочо. Цу гӏулакха долча боахамашца цхьана, из бокъонаша дӏадехача боарам тӏа даккха хьожаргба, керттердар да, бера психологически хьал дика хилийтар.
