Росгвардейцаша къамаьл дир дешархошца
ГӀалгӀай Республике гӀолла йолча Росгварде Урхаллено хьалхадаккхарах, тахан Наьсарен №1 йолча лицея дешархой кхетаче хилар, бокъонаш лораяра йолча моттигий болхлошца, юкъарча цхьанкхетарашца, иштта СВО доакъашхошца, яхаш, дийцар «Сердало» газетага Росгварде зарбан болх лелабеча Сампенаькъан Салимас.
«Беза хьаьший болаш, цига баьхка хилар бӀухой, иштта «Бакъдолчун тӀехьа» яхача моттигерча лоадама ганза кулгалхо Ӏаьленаькъан Адам, «Даьхен Лорбой» оалача ганза филиала кулгалхочун гӀонча Наурбенаькъан Фарина, «Хьалхарчар Болам» яхача моттигерча отделене кулгалхочун гӀонча Пошанаькъан Мухьмад.
Цу тайпарча кхетачено таро хулийт; кагирхой шоай Даьхе езаш кхебе, тӀема-денала кхетам царна бала.
Иштта лоархӀаме да, шоай декхар кхоачашдеш, бейна бӀухой царна дагалаттар», - аьлар хоамо.
