Илдарха-ГӀалан поликлиниканна юхе, гӀашлой никъ биллаб
02.12.2024 09:46
Укх деношка, Илдарха-ГӀалан бахархоша даьча дехарах, шахьара поликлиниканна юхе Ӏобиллар гӀашлой никъ, яхаш, дийцар «Сердало» газетага «Даьхен лорбой» ганза гӀалгӀай филиале.
«Из лоархӀаме моттиг тоаяр дийхадар тӀема ветерана нанас Чахкенаькъан Райшата, «Даьхен лорбой» ганза болхлочунгара, вахара хьашташца болх лелабеш волча Темарханаькъан Ӏийсайгара. Из хьал дайзачул тӀехьагӀа, Илдарха-ГӀалан мэрá Дидиганаькъан Ахьмада тӀадихьар из дош. Шахьара кулгалхочо тӀадиллача декхарах сиха Ӏобиллар асфальта никъ», - аьлар газзетага.
Тхога хоам баьчо яхачох, никъ тоабаьчул тӀехьагӀа, цхьа дакъа чӀоагӀа дохадаьдар. Из наха дагадоаллаш дар, цудухьа, шоай лоӀаме а боацаш, новкъа лелара бокъонаш телхаеш бар уж.
