ГӀалгӀай къаман
юкъара газет

Кердадараш

Цхьаькха а керда ишкол хьайийллар вай мехка

Ше-ший аргӀагӀа керда ишколаш хьаеллаш латт вай республике. Укх наькъа, 704 бера лаьрхӀа йолча ишкола болх йистебаьлар Сурхо тӀа. Из хоам «Сердало» газетага бир гӀишлошъяра балхах йолча министерствон болхлоша.

«ГӀишлошъерий министерствога гӀолла, «Гранд-Строй» яха фирма я из болх чакхбоаккхаш яьллар. «Дешар» яхача къаман проектага гӀолла беш ба из беркате болх. Йиъ гектар йолча доазан тӀа латт ишкол. Спорта къоастаяь моттигаш я цига. Гаьнаш дӀаегӀа, гӀандаш оттадаь, нувхашта лаьрхӀа яьшкаш оттаяь, хоза кулг техад коа»,- йоах тхогарча хоамо. Таханарча хано дӀадехаш мел дар чудолаш, геттара хоза тоаяь ишкол я из. Цул совгӀа, дегӀа могашал эшаеннача наьха хьашташ довзаш а болх баьб цига. Ишколо тӀаэцаргда 700 бер, 120 сага болх бе моттигаш хургья цига.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде