ТӀема доакъашхочун дезала гӀо дир, токацара дешаш къоастадеш
Токацара кхоачамбоацараш юстардаха гӀо дир, Россе турпал волаш, тӀема операцен юкъе вахар хаьдача Хамхой Адама цӀагӀарча наха. Из хоам «Сердалога» бир «Даьхен Лорбой» яхача ганза филиало.
«Тока хьал хьахьокха гӀирс лотабенна, хатар хилар бӀухой дезале. Вахара координатор волча Темарханаькъан Ӏийсас оарц даьккха, Илдарха-ГӀалий тӀарча РЭСа болхлой бахар из хатар юстардаккха. Сиха дӀатӀакхаьчача, цар дӀайоайир цӀи», - йоах тхогарча хоамо.
Белгалде деза, Хамхой цӀагӀа ши бӀухо волга. Северодонецке лаьттача тӀема юкъе йоккха майрал гойтар Адама.
Ший дегӀа човнаш йича а, юха ца воалаш, тӀехьалаттача бӀухошта кулгалдеш хилар из. Массехк ди даьлча, 30 шу доалаш хиннача Адама вахар хаьдар тӀема юкъе. Дошо Седкъа бенначарна юкъе, ГӀалгӀайчен эггара къонагӀа вола воӀ ва из.
Цун зӀамагӀа вола воша ИбрахӀим карарча хана тӀема доакъашхо волаш, Даьхен гӀулакха латт.
