ГӀалаш меттаоттаю тӀоговзанчий ишкол дешархой хержа яьлар
«Даьшкара кхаьчар» яхача гӀалаш меттаоттаеча гӀишлонхой ишколе, керда болхлой хьахоржаш, болх чакхбаьккхар. Бе-беча оагӀонех чакхбоалаш, шоай низ, говзал гойташ хилар бахархой.
«Массехк тоабанна бийкъаб Ӏомалуш бараш. ЖӀайрахьа моттигашка дӀахьош хургба из болх. Цу моттигашка эшаш бола лаьрххӀа гӀирс дӀалургба царна», - дийцар тха газетага.
«Тха ишкол цхьа моллагӀа дола гӀишлон балхий доазув дац. Къаман истореца, культураца, архитектураца дувзаденнараш да тахан меттаоттадераш. ХӀаьта из чӀоагӀа лоархӀаме, бехктокхаме, ший даьй Ӏадатий сий деш дӀабахьа безаш болх ба. Теша лов, хьахержа болхлой из деррига шоашца долаш хургхиларах. Доккха баркал оал оаха тхоашта дагадехар хьаллоацаш мел лаьттарашта.
Вай массане юкъара моттиг ма йий ер», - дийцар «Даьшкара кхаьчар» яхача гӀалаш меттаоттаеча ишкола хьалха латтача Султиганаькъан Рамзана.
