ЦӀий дӀачутеларашта лаьрхӀа хьаькъала ловзар хургда
01.12.2023 10:55
Ший тайпара чакхдаргда ер кӀира, Даьла духьа цӀий дӀачутелаш волча 40 сага. Наьсаре дӀахьоргда, хьаькъала боарам бовзийташ дола цӀий дӀачутеларашта юкъера ловзар. Из хоам «Сердало» газетага бир лораша-лоӀамхоша.
«ЦӀий дӀачутелара гӀулакхах дар дувца, «Чарли» яхача кафе гуллургба укх бетта 3-ча дийнахьа бархӀ тоабан нах. Карарча хана дакъа лоацаргдараш хьахоржаш ба республике. Пхе сагах латташ йолча хӀара тоабо шоай цӀи, нигат белгалду дешаш хьаала деза, ловзар долалуча хана. Хаттараш хургда цӀий дӀачутелара истори, цунца дувза мел деннараш чулоацаш.
