ГӀалгӀайче Емельяненко Александро ший говзал гойтаргья
29.08.2023 15:48
ГӀалгӀайче, Йовлой Берда цӀерагӀча «Магас» яхача спорта цӀагӀа, вӀашагӀъийнача латарах волча цӀихезача Емельяненко Александра говзанч — класс лургья, аьлар «Сердало» газета корреспондентага ГӀалгӀай Республикан физически культуран, спорта министерстве.
«Маьцхали бетта 30 дийнахьа ГӀалгӀай Республикан спорта Министерствон кхетаче хилар цунца.
Цу кхетаче веначунна таро хилар российски спортсмена карагӀдоалачунга хьажа, дукха кердадараш цунгара хьаэца, шийна бакъахьа хета хаттар дала. Цу гӀулакха лаьрххӀа пресс-конференци дӀахьоргья. Емельяненко Александра ший вахара говзал йийцар, ше спорта даькъ тӀа малагӀа толамаш даьхар, уж мишта карагӀдаьлар дийцар», — йоах хоамо.
Белгалдаккха дезаш да, говзанч-класс дика накъаяргья из эшаш болча спортсменашта, иштта вӀаший ийнача латара тӀакхувш болчарна.
