Кхааш ийдара духьалара кагирхой кхетаче дӏахьоргья вай мехка
Тов бетта 24-ча дийнахьа, кхааш ийдара духьалара кхетачеп дӏахьоргья мехка кагирхой гӏулакхех йолча Комитето, Мехкадаьи Паччахьалкхени Администраце, цу оагӏонцарча балхах йолча моттиго. «Гӏалгӏай республике кхааш ийдара духьале яр» яха паччахьалкхен программа йоаржаеш дӏахьоргба болх. Из лоархӏаме кхетаче хургья гӏо дечар мехкарча моттиге.
«Сердалога» беча хоамах, 100 совгӏа саг ва цига гуллургволаш, цу юкъе хургба республикера гӏо дераш, кагирхой тоабаш, иштта хьабийха тохкамхой.
Кхетаче хьаеллаш къамаьл дергда цу оагӏонцарча комитето, кхааш ийдара духьала къовсам лоаттабеча моттиго, прокуратуран болхлоша, иштта мехкарча дийшача наха. Дӏахо доакъашхошта боаржабергба кхааш ийдарах ӏаьдало бехктокхаме озарах, цу доккхача вонна духьале лоаттаярах бола болх. Иштта кхетаче доаржадергда «Тохкам дӏахьош бар» яха ловзар.
Ялх тоабанна бекъалургба къонабараш, кхааш ийдарах йолча кейсашца болх дӏабахьа безаргба цар, иштта цу хӏаман никъ хоадабарца дувзаденнараш белгалдергда. Котало яьккхарашта лоархӏаме совгӏаташ лургда кхелахоша.
Вай къонача тӏехьенна цу оагӏонца дувзаденнараш ма дарра дӏадовзийта дӏахьош ба из лоархӏаме болх.
