ГӀалгӀай мехка шоллагӀча номера яхь дӀахьоргья
02.12.2024 09:38
Хьалхара дӀахьош я NFL 2 (ММА) вӀаший ийнача латарах йола яхьаш (октагон), бархӀ миӀинг йолча латара кӀувса тӀа.
Цунга хьажа гуллургба, ГӀалгӀайчен йоккхагӀа йолча «Магас» оалача спорта даькъ тӀа, оагӀой бетта 21-ча дийнахьа, яхаш, дийцар «Сердало» газетага ГӀалгӀай Республикан спорта Министерствос.
«Кхетачен программанна чудоагӀаш да латара яхьаш санна, ММА бокъонех 15 вӀашагӀкхетар дӀадахьар а, цига дакъа лоацаш хургба вӀаший ийнача латара цӀихеза спортсменаш. Низашца къовсалургва Европан кхозза чемпион, дунен шозза чемпион, Аргентине ондаргий Олимпийски ловзарашка котваьнна Йовлой Мухьаммад, иштта тахан дуненна чемпион вола, Париже Олимпийски ловзарашка боарза совгӀат даьккха Росильо Габриэль», - аьлар газетага баьча хоамо.
