ГӀалгӀай къаман
юкъара газет

Кердадараш

Дешархоша дӀадихьар гӀалгӀай метта денна хетадаь ловзар

Наьсарерча №3 йолча юкъерча ишколе «ГӀалгӀай мотт юхьмарашка, дешашка» яха хьаькъале ловзар дӀадихьар. Из хетадаь дар Дерригача дунен наьна метта ди дездеш хилара, яхаш, дийцар «Сердало» газетага из вӀашагӀделлараша.

«Кхетаче дӀайихьар ГӀалгӀай Республикан Ерригроссе халкъашта юкъерча кагирхой союзо, цунна новкъостал даьр яр «Rehab» яха психологически гӀо дара йола клиника; мехка дешара моттигашка наьна мотт дегӀабоалабара, из лорабара маӀан дар цун.

«ГӀалгӀай мотт юхьмарашка, дешашка» яхача викторина доакъашхой бар Наьсарен пхе ишколера: №1 йола гимнази, №1 йола лицей ГБОУ, №2,3 йола юкъера ишколаш, Дошалкъий-Юртара №8 йола юкъера ишкол.

Из кхетаче дӀаяхьара болх вӀашагӀбеллабар тайп-тайпарча халонех латтача ворхӀ даькъах. Дешархошта хьалхашка лаьтта декхар дар, шоаш гӀалгӀай метта, литературан урокаш тIа Ӏомадаьр дагадохар, кхы а довза дезаш дар гӀалгӀай къаман истори.

Коталон моттиг яккха гӀерташ, бераша даьшхар кицаш, цхьаццадолча йоазонашта таржамаш дир, кӀезига довзаш дола дешаш а юкъедоаладир, иштта цар дакъа лаьцар «сиха ха деза хаттар» яхача даькъе, ГӀалгӀайчен культура, тӀема, спорта, политикан викалий цӀераш а хайра», - аьлар ГӀалгӀай Республикан Ерригроссе къамашта юкъерча кагирхой союза кулгалхочо Оздой Инала.

Белгалдоаккх, хьалхагӀа «Сердало» газета яздаьдар, цу тайпарча яхьашка 7-ча класса дешархоша дакъа лаьца хиларах.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде