«Пайдане хургда» яха кхетаче дӀайихьар республике
23.05.2024 10:07
«Хьалхарчар болам» яхача оагӀон хьинар дараша «Пайдане хургда» яха кхетаче дӀайихьар Магасе. Из хоам «Сердалога» бир политикахи, туризмахи йолча министерствос.
«Берий болама 30 совгӀа доакъашхо гулвелар цхьан доазон тӀа. Юкъера бувзам чӀоагӀбарах, республикерча кагирхой политикан кердадарех йолча проектех, лаьрхӀарех дийцар цига. Цу оагӀон хьалхалаттача Чоренаькъан Ювсапа дийцар, бераша вӀашагӀделлар мел лоархӀаме гӀулакх да. Наьна метта хьал лорадарах, тоадарах, Хьалхарчарна балха моттигаш лахарах, мехкарча Ӏалама лакха тӀахьожам лоаттабарах дийцар кхетаче», - йоах тхогарча хоамо.
Декхараш кхоачашде аттагӀа хургдолаш, тоабаш яь, бекъабеннаб доакъашхой.
