Наркотикашта духьала йолча кхетаче гӀоргбараш хержар
«Кхераме йоаца кхоане» яхача наркотикашта духьале еча кхетачен доакъашхой хержар вай мехка. Шолжа-Шахьаре дӀайихьача шоллагӀча туре котбаьннараш хургба лоархӀамеча кхетаче дакъа лоацаш. Из хоам «Сердало» газетага бир цу балха хьалхалаттараша.
Шолжа шахьарерча кердача технологей колледже дешара викторина оагӀонца дӀадахар из гӀулакх. Кхел еш баьгӀараш бар вахара политиках болча оагӀон болхлой, шахьара администрацерча наркотикашта духьале лелаеча комиссе секретарь, «Rehab» яхача, дегӀа могашал меттаоттаеча моттигера болхло. Наркоманех лаьца долча тайп-тайпарча хаттарашта жоп дала дезаш бар кагирхой.
«Кхераме йоаца кхоане» яха лоархӀаме моттиг эш кагирхой нийсача вахара тӀахьеха, наркомани яхача доккхача зулама духьала дов лоаттаде, цун никъ хоадабе. Цу гӀулакха хьалхаэттар - Оздой Инала кулгал деш йола ерригача Россе къамашта юкъера кагирхой цхьанкхетар.
