ГӀалгӀайчера хьажол де болхарашца кхетаче дӀайихьар
ДӀадахача кӀиран тӀеххьарча шин дийнахьа - Наьсарен культуран цӀагӀа семинар йир хьажол де болхарашца, из вӀашагӀъеллар хьажол дара йолча Комитето, республикан Миннаца новкъостал деш.
Гулбеннарашта хьалхадаьккхар дӀабахача моттиге царна хьалхашка нийслуш дола хьал, цига ха дезаш дар, шоай цӀенна гаьна болаш цар лораде дезар фуд.
«Къаьстта терко тӀаяхийтар хьажол де болхарий кхерамзлен дешашта. Доакъашхошта хьалхадаьккхар шоай ханнахьа ахча дӀачудала дезарах, нагахьа санна кхыча вахара даькъ тӀа Ӏаьдала декхар доаллаш моттиг яле, из дӀадала дезилга, кхыча паччахьалкхен мехка водаш хилча», - аьлар ГӀалгӀайчен Миннаце.
Белгалду, карарча шера, дӀадахача шера санна 1300 моттиг йолга. Бакъда хӀара шера нах дукхагӀа тӀакхеташ ба, цудухьа тӀехьара тӀа моттигаш еха езаш хилар. Вай республикан 1442 моттиг елар хьажол де. Из да 142 моттиг тӀакхийтта хилар.
Уж берригаш а Саудовски Араве Магасера дӀайодача самолётаца гӀоргба. Хьалхарбараш болх маьтсела бетта 20-ча дийнахьа.
