«Чухьара туризм йоаржаяр» яхача темах дийцар республике
«Чухьара туризм йоаржаяр» яхача темах лаьца, дийцар вай мехка. «Магас-2024» яхача дерригача къамашта юкъерча кхетачен доакъашхоша дийцар туризмаца дувзаденнача керттердарех, гӀалгӀай мехкара моттигаш йовза тӀалаттараш кхы а дукхагӀа хурболаш малагӀа болх дӀабахьа беза. Из хоам «Сердалога» бир цу моттигера.
«Вай мехкарча туризмаца дувзаденнараш довзийтар таьрахьий гӀулакх доаржадарах йолча академе дӀайихьача кхетачен спикер волча Ӏарчакханаькъан Мусас. ГӀалгӀайченна туристаш тӀалаттара бахьанаш белгалдир цо.
Эггара хьалхарча мугӀаре латт «Ӏарамхи» яхача курортера бассейн. Россе тайп-тайпарча мехкашкарча наьк дечар кийчо ю цига массаза.
ШоллагӀча моттиге отт гувнаш тӀа урагӀъухарий лагерь Кязи. Кхераме лоархӀаш дола гӀулакхаш леладераш юхасувцаш йола моттиг я из.
КхоалагӀа моттиг дӀалаьцар маунтибайк яхача къонача спорта оагӀоно - халача наькъашка гӀолла иштта цӀи йола лиспед хехкаро», - дийцар кхетаче дӀахьоча гӀо деш хиннача Евкуранаькъан Шамало. Геттара пайдане хила тарлуш йола массехк проект йовзийтар кагирхоша цу кхетаче.
