СВО доакъашхошта гӏо дарах, моттигерча ӏаьдала болхлой белгалбир
Наьсарен кхален администраце болхлой совгӏаташца белгалбир, СВО доакъашхошта новкъостал лоаттадарах. «Сердалога» из хоам цу моттигера бир.
«Тӏема операце ветераний Ассоциаце кулгалхочо Саккхаланаькъан Мусас, Наьсарен кхален администраце болхлошта майдилгаш луш, доккха баркал аьлар. СВО доакъашхошта гӏо дарах белгалбир Наьсарен кхален кагирхой эскаре тӏабехарах йолча комиссена хьалха латта Мужахой Адам, кхален юртбоахама гӏулакхех болча оагӏон кулгалгалхо Исмейланаькъан Адам», - йоах тхога бенача хоамо.
Саккхаланаькъан Мусас совгӏаташ дӏалуш белгалдир, уж нах тӏема операце доакъашхошта, цар дезалашта гӏо лоаттадара тӏехьа дикка дакъа лоацаш хиннилга. Белгалде деза, СВО ветераний Ассоциаце бӏухой, цар дезалий оагӏув хьаллоацаш къахьегилга.
Боккха пайда хулаш болх ба из. Даьхе лорае арабаьннарий гӏулакхага хьажар тахан лоархӏамеча декхарех да. Наьсарен кхале цу оагӏонцарча балха йоккха терко лоаттаю тахан.
