Донбассе дӀахьоча тӀема операцен юкъе, йоккха майрал гойташ, вахар хаьдар 2022-ча шера бӀаьстан кхоалагӀча бетта 11-ча дийнахьа, МагӀалбике ваьхача 30 шу даьннача Мержой Салама.

«ТӀема юкъе чӀоагӀа лоархӀаме хиннача моттигера моастагӀа вохавеш, дӀахьош хиннача операцен хьалха латташ вар Салам. Ший вахар кӀалъоттадаь, тӀехьалаттараш украински эскарга бохабайтанзар цо. РФ Президента Денала орден яла оттавир цига вахар хаьда вай сийдола воӀ. ЦӀаккха а бицбала йиш ярех бац вай дегашта, Даьхе лораеш латташ, вахар хаьда къаман яхь йола къонгаш. Уж ба Боканаькъан Мустафа, Хамхой Адам, Маларой Муса, иштта кхыбараш а.

Байначарна Дала гешт долда, Дала къахетам болба! Гаргарча наха сабар, сатоха низ лулба!» - яздир мехкадас Келаматанаькъан Махьмуд-Ӏаьлас ший телеграм-оагӀон тӀа.

Москверча лакхарча, эскарашта хьалхале лелаеча училище дийша вар Мержой Салам. ТӀема гӀулакх дика довзаш хинна вай мехкахо новкъосташа лоархӀаш, сий деш вар. Иштта деналах, яхьах визза хинна воӀ дӀавалар - вай дерригача къаманна, мехка эшам ба!