ГӀалгӀай мехка хьабир туристий никъ «МагӀалбик-ТӀема сийлен шахьар»
ГӀалгӀайче туристий никъ хьабийллаб «МагӀалбик-ТӀема сийлен шахьар», цун бӀоахал 118 километр. Цох дийцар ГӀалгӀай Республикан Кулгалхочун, Паччахьалкхен зарбан болх лелабераша.
Никъ дӀаболалу Наьсарен дагалоаттама, сийлен берригача турпалхой цӀераш тӀайолча Мемориалагара. Цун юкъе ба «Акха дивизи» оалаш хинна говрбаьреш, иштта Брестски крепосте тӀом баьча Барханой Уматргире сийленг.
АргӀанара болх дӀабахьа лерхӀ полковника Арташес Василяна сийлен, 89-ча Тамански бӀуна, МагӀалбик лораеш лаьттача Василян Арташеса сийленгаш кердадоахаш.
Цу шахьаре туристашта го йиш я Рейхстага тӀа Коталон Байракх тӀаегӀача Берест Алексейна оттадаь сийленг, иштта къонача разведчика Мордвинов Володяйна оттадаь сийленг, цар таро хургья ТӀема сийлен музее баха.
Никъ йистебаргба СоагӀапча, цига наькъаш къастача ИС-3 танк латт- советский тӀема техника белгало.
