Комбайн, мухь кхухьа йоккха машин вӏашкакхийтта, хатар хилар вай мехка
03.07.2026 16:52
Шийтта минот кхоалагӏчох яьннача хана хоам бера «112» оагӏон болхлошка; вай мехкарча наькъ тӏа доккха хатар хиннад аьнна. Шолжа-Шахьара гаьна доацаш, «Кавказ» оалача федеральни наькъа 592 километре вӏашкакхийттай машинаш. Из хоам «Сердалога» бера МЧС болхлошкара.
«Эрши» яхача МЧС тоабан болхлой бахар цига оарцагӏа. Наькъ тӏа вӏашкакхиттай йоккха мухь кхухьа машини юртбоахама балхашка лелаю комбайни. Цхьан машинаца кхо саг вар цига гӏо деш хиннараш», - йоах тхога бенача хоамо.
Мухь кхухьа машин лоаллаш ваьгӏар лозаваьв цу хатаре. Шолжа кхален керттерча дарбанче ӏочувигав из МЧС болхлоша.
