Гӏалгӏайчера говзанчаш хий дӏаухаргдола моттигаш еш ба
17.06.2026 11:36
Гӏалгӏайчен Минавтодортранс хиш дӏаухаргдола хьал хьакхоллаш болх дӏахьош я, яхаш, дийцар «Сердало» газетага ГӏР Паччахьалкхен зарбан болх лелабераша.
«Республике, дукха ха йоацаш дийлхача догӏах, хиш хьаӏайна латта моттигаш цӏенъеш болх дӏахьош ба. Шолже говзанчаш дӏаболабеннаб хий дӏадодаш йола моттигаш цӏенъе, мукъаяха, эшача тоадара балхаш а дӏахьу», - аьлар хоамо.
Карарча шера дукха догӏаш делхаш хиларо цӏаькха а хьагойтар, уж моттигаш хьалххе а кийчъяь хилар лоархӏаме долга. Дукха хий цхьаннахьа хьаӏовш хилча, цар къахьег хий наьха коашка, цӏеношка чу ца доалийташ дӏадахийта, цунца цхьана никъ а лорабу.
Цу тайпара балхаш кхоачашдергда наькъий боахамо, ше тӏахьожам лоаттабеча республикан наькъашка.
