Вайцигарча боксёраша яхьашка котало яьккхар
27.11.2023 09:30
Наьсарерча спортивни ишколе Нохчий мехкарча спортсменашца дIайихьача яхье котбаьлар вай кагирхой. Из хоам «Сердало» газетага бир республикерча боксах йолча федераце.
2007-ча, 2011-ча шерашкарча спортсменашта юкъе хилар къовсам. 20 боксёр вар верригаш латаш хиннараш. Лакха говзал дIахьокхаш, котбаьлар цу яхьашка вайцигара спортсменаш.
Хьалхара моттигаш яьхача Боканаькъан Малика, Бекмарзанаькъан Адама, Ноакастхой Ислама, Бабхой Мухьмада, Малсаганаькъан Iаддала, Джанхотанаькъан Элберда, Дарсиганаькъан Хьамзайна, Iаьленаькъан Джамала, Хамхой ИбрахIима, ЦIечой Абойна чемпионий тIехкараш, майдилгаш, грамоташ елар.
