Гӏалгӏай мехка дӏайолаелар, «Ноахал 18-35» яха Ерригроссийски кагирхой кхетаче
Гӏалгӏайче ший болх дӏаболабир «Ноахал 18-35» яхача Ерригроссийски кхетачено, цига гулбелар мехка тайп-тайпарча миӏингашкара дукха хьинар дола кагирхой, лоӏамхой. Кхетачен доакъашхошта юкъе бар шийна уллуврча сага новкъостал дар, бехктокхаме хилар фуд дика ховш бола нах. Уж ба СВО тӏема бӏухой, ветеранаш, «Турпалхой ха», «Турпалхочун никъ» яхача программай выпускникаш, иштта ЧС даькъ тӏа гуманитарни новкъостал дӏахьош хиннараш.
«Сердало» газета ма аллара, кхетачен программа йийкъа яр шин даькъа, цига дар турпалхошца кхатече хилар, говзанча хьехамаш, иштта лоӏамхошта лаьрхӏа дакъа - уж ӏомабора хьалхара новкъостал, лорий гӏо де, Россе волонтерашта юкъе говзал йоаржае.
Цул совгӏа, хьаьшашка хьежаш яр вакансей ярмарка, вахара хьалашка валар, спортивни кхетаченаш, тайп-тайпара культуран программаш дӏаяхьара дола кердадараш юкъедоахаш йола проекташ тахкар.
Гӏалгӏайчен кагирхой гӏулакхех йолча Комитето «Даьхен бӏухой» ганза филиалаца цхьана вӏашагӏъелла майда дика накъайоалаш я, патриотически мах бараш гӏулакхашта юкъе а доахаш, уж кхоачашдара, хӏаьта кердадараш эшаш да СВО бӏухой хьаллацара, лоӏамхой юкъарло дегӏайоалаяра.
