ГӀалгӀайчен вахархочунгара прегабалина 94 капсул чуйоалла почтови посылка хьаяьккхар
Илдарха-ГӀалан полице дегабуам беш хинна саг соцавир, цунгара хьаяьккхар 90 прегабалин оала молха, яхаш, дийцар «Сердало» газетага мехка бокъонаш лораеча наха.
«ГӀалгӀай Республике гӀолла йолча наркотикашта тӀахьожам лоаттабеча МВД урхаллен болхлоша, ГӀалгӀай Республике гӀолла йолча МВД ВОГ болхлошца цхьана хьем боаццаш дола гӀулакх дӀахьош, Илдарха-ГӀалан цхьан урам тӀа вахаш волча сагагара почтови посылка хьалаьцар, цу чу чӀоагӀа Ӏаткъаш йола «прегабалин» яхача молхай 90 капсула йоаллаш хиларах.
Экспертизо хьагойтар, из 38,95 гр молхаш йолга», - аьлар хоамо.
Цу сага духьала уголовни гӀулакх хьадийллад РФ УК йоагӀаш йолча статьях, цунгара республикера араваргвац аьнна кулг яздайтад.
Бокъонаш лораераша белгалду, тӀехьарча хана цу тайпара наркотикаш вайцига чукхахьара бола никъ каст-каста нийслуш хилар.
Наркотикашца къовсам лоаттабара болх паччахьалкхен массайолча моттигашка: юкъара болх лелабеча, бокъонаш лораеча - керттера декхар хинна дӀаотта деза.
