СВО доакъашхошта, уж хьаллоацаш йолча бокъонех дийцар
02.10.2023 12:25
ГӀалгӀайчен Республика Халкъа Гуллама депутата Дарсиганаькъан Мухьмада кулгал деш, СВО доакъашхошца, цар дезалашца дӀайихьача кхетачене дийцар, эскаре тӀахьийха вай бӀухой а цар дезал а хьаллацара тӀаийцача кердача бокъонех, яхаш, дийцар «Сердало» газетага моттигерча «ЦаI йола Росси» яхача парте отделене. «Керттера йийца проект яр «СВО хаттараш кхоачашдара Центр», цунга гӀолла довзаш хул тӀема декхараш кхоачашдеш болча вай бӀухой хьашташ.
Цу кхетаче дакъа лоацаш хилар отпусках салоӀаш бола бӀухой а цар дезал а, иштта паччахьалкхен, боахамий викалаш, ГӀалгӀай Республикан Ӏилмани дешареи министра заместитель Угурчанаькъан ПаьтӀамат, ГӀалгӀай Республике гӀолла йолча РФ ДОСААФа кулгалхочун гӀонча ГӀаьнажанаькъан Хьасан, ГӀалгӀай Республикан вахара страховане ганза болхлой Зурабанаькъан Зураб, Дудурганаькъан Ахьмад, иштта ГӀалгӀай Республикан тӀема комиссара гӀонча Мархенаькъан Къурейш», - аьлар хоамо.
