Наркотикех базар еш хиннача ординга доакъашхой бехктокхаме озаргба
Боккхача боараме наркотикашца базар еш лийннача зуламхой ординга доакъашхой гӀулакх суде дӀачуденнад. Из хоам тхога бир Ӏаьдала болхлоша.
«Ярославерча 20 шу даьннача а, вай мехкарча 32 шу даьннача а наьха гӀулакх судо тохкаш латт. МВД болхлоша царна тӀатеттача гӀулакхах, бувзама оагӀонашка гӀолла наркотикаш йохкаш базар лелаяьй цар», - белгалдир прокуратуре. МВД дӀабихьача тохкама балхо гучадаьккхар, 2022-ча шерагра 2023-ча шерга кхаччалца, лаьрххӀа вӀашагӀъеллача ординга юкъе болаш, интернете гӀолла наркотикаш йоаржаеш хиннаб уж Ярославле, Татарстане, ГӀалгӀай мехка гӀолла. Боккхача боараме дола мефедрон яха дохьаж хьаийца, из дохкаш базар лелаяьй цар. Къайленашка Ӏо а ехкаш, мефедрон йохкарашта мах лакхагӀа оттабеш хиннаб», - йоах тхога бенача хоамо.
Даьла къахетамца, наркотик йохка аьттув баьннабац цар, Ӏаьдал сов сиха оарцагӀдаларах. 524 граммах латта мефедрон дӀа а лаьца, бехкебараш набахта чубехкаб. Магасерча судо тохкаш да цар гӀулакх.
