ЦӀаьхха нийслуча хатарашта духьалара низ чӀоагӀбеш ба мехка
ЦӀаьхха нийслуш долча моллагӀча хатарашта духьалъоттара болх чӀоагӀбеш, тоабеш ба мехка. Мехкадаь, Паччахьалкхен зарбан болх лелабераша тхога беча хоамах, цу оагӀонцара болх чакхбаккха кийча хила мел дезараш тоадеш, нийсдеш ба тахан вайцига.
МоллагӀа дагадоаца хатар ийккхача, деррига кийча хила деза боаггӀача боараме. Цу оагӀонцарча балхах йолча министерствоша шоай декхараш кхоачашдергда, хатар ийккха болх хилча, бахархошта гӀо дара тӀехьа кийчо еш. Цу юкъе да нах дӀа-хьа бига машинаш хилийтар, ханнахьа талхаш боаца кхача Ӏалашбар, иштта кхыдараш а.
Вай мехкадас Келаматанаькъан Махьмуд-Ӏаьлас белгалдир, цу оагӀонцара гӀулакхаш боаггӀача боараме тоадаь; моллагӀа хатар ийккхача духьалъотта кийчо яь хила деза, аьнна.
Мехка вахача хӀара сага вахарца дувзаденна кхерамзлен хьал лорадар, тоадар да из», - белгалдир республикан Кулгалхочо.
