ГӀалгӀай къаман
юкъара газет

Кердадараш

Нах кхувлача машенашцара хьал тоадергда республике

Наьсаре гIолла нах дIа-юха кхувла оттаяьча № 7 йолча машена болх ма хулла тоабе лерхI вай мехка. Из хоам «Сердало» газетага бу региона кабмино. «Вахара оагIонашка дувца даьннад, № 7 йолча машена ший болх соцабар. Промышленностахи таьрахьий гIулакх доаржадарахи йолча министерствон болхлоша яхачох, из болх тоабеш латт», - йоах тхогарча хоамо. Цу оагIонцарча гIулакха бехктокхаме волча кулгалхочо Маслаков Константина яхачох, из моттиг ма хулла дикагIа тоае къахьегаш ба уж.

«Нах дIа-юха кхувлаш лелаеча, Iаьдало оттаяь йоацача машенашца цхьа болх дIаболабаьбар ГИБДД, Ространснадзора къахьегамхоша. Тахан пайда баьб цу гIулакхо. Шоай каьхаташ хьачутелаш, бе боаггIача боараме болх дIабахьа кийчлуш ба машенаш тIа багIараш. № 7 йолча машена болх юхасоцабаь, № 17 йола керда маршрут яхьашка оттаяьяр оаха.

Бакъда, яхьашка дIадехарашта тIатовжаш, цхьа дехар дацар хьачуденнарех. Цунга хьежжа, яхьаш дIаяхьанзар. Тахан гучадаьннад, цу маршруто ший болх соцабаьлга. Из гIулакх тохкаш, цхьан кога тIа доаккхаш да тхо.

Болх дикагIча хьала тIа боаккхаргба, ца говш. Ер шу дIадалале, цу маршрутах леларгйола 78 керда «газель» эца лерхIаш да тхо», - белгалдир цо.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде